ဥတုရာသီ လူကိုမွီ - ဒေါက်တာထွန်းလွင်

         

 

မိုးလေဝသနှင့် ဇလေဗဒ ပညာရှင် ဆရာကြီး ဒေါက်တာ ထွန်းလွင်၏ ၂၀၁၃ခုနှစ်၊ မတ္လ (၃) ရက်နေ့က တာချီလိတ်မြို့တွင် ဟောပြောခဲ့သည့် "ဥတုရာသီ လူကိုမွီ" ဗီဒီယိုဖိုင်အား အောက်ဖော်ပြပါလင့်ခ်မှ ဝင်ရောက်၍ Download ရယူကြည့်ရှုနိုင်ပါသည်။

Download Link >> https://drive.google.com/file/d/16MegVCCpyFyvCT6IP1Yp-v2Cf34np0G5/view?usp=drivesdk

ကောင်းကင်ကြိုး

မူစ်ဘရန်း (moosbrunn) ဩစတြီးယားရှိ လှိုင်းတို "Curtain " အင်တင်နာ

ကောင်းကင်ကြိုးဆိုသည်မှာ လျှပ်စစ်စွမ်းအင်ကို ရေဒီယိုလှိုင်းများ အဖြစ် ပြောင်းလဲပေးသော လျှပ်စစ်ပစ္စည်း တစ်မျိုး ဖြစ်သည်။အခြားတစ်နည်းဆိုရလျှင် အင်တင်နာသည် လျှပ်စစ်သံလိုက်လှိုင်းများ(Electromagnetic Waves) မွ လျှပ်စီးလမ်း(Current) အဖြစ် လျှပ်စီးလမ်းမှ လျှပ်စစ်သံလိုက်လှိုင်းများအဖြစ် အပြန်အလှန် ပြောင်းလဲပေးသော ကိရိယာပင်ဖြစ်သည်။ အင်တင်နာများကိုရေဒီယိုနှင့်တယ်လီဗီးရှင်းထုတ်လွှင့်ခြင်း၊ တစ်နေရာမှ တစ်နေရာသို့ ရေဒီယိုဖြင့် ဆက်သွယ်ခြင်း၊ ကြိုးမဲ့ LAN ကွန်ယက်များ၊ ရေဒါ နှင့် အာကာသစူးစမ်းရှာဖွေရေး တို့တွင် အသုံးပြုကြသည်။ အင်တင်နာများသည် ပုံမှန်အားဖြင့် လေထုထဲတွင် သို့မဟုတ် အာကာသဟင်းလင်းပြင်ထဲတွင် အလုပ်လုပ်သည်။ သို့သော်အချို့နေရာများ၌ ရေအောက်တွင် အသုံးပြုနိုင်ပြီး အချို့သော ကြိမ်နှုန်းများကို အသုံးပြု၌ မြေကြီးထဲတွင် သို့မဟုတ် ကျောက်စိုင်ကျောက်သားထဲတွင် တိုတောင်းသော အကွာအဝေးအတွက် ဆက်သွယ်မှု ပြုနိုင်သည်။

တည်ဆောက်ပုံအားဖြင့်ဆိုရလျှင် အင်တင်နာများသည် အားသက်ရောက်မှုပေးသော ပြောင်းလဲနေသည့် ဗိုးတေ့ခ်(alternating voltage)နှင့် ၎င်းနှင့်သက်ဆိုက်သည့် ပြောင်းလဲနေသောလျှပ်စီးလမ်း(alternating current) ပေါ်မူတည်၍ ရေဒီယိုလှိုင်းများပါဝင်သည့် လျှပ်စစ်သံလိုက်စက်ကွင်းများကို ထုတ်လွှတ်ပေးသော လျှပ်ကူးပစ္စည်းများကို စီစဉ်ထားခြင်းတစ်မျိုးဖြစ်သည်။ နောက်တစ်နည်းဆိုရလျှင် လျှပ်စစ်သံလိုက်စက်ကွင်းအတွင်း၌ ထားရှိခြင်းအားဖြင့် အင်တင်နာအတွင်းရှိ ပြောင်းလဲနေသော လျှပ်စီးလမ်းနှင့် အစွန်းဖက်(terminal) တို့ကြားရှိ ဗိုးတေ့ခ်ကို စက်ကွင်းတစ်ခုမှတစ်ခုသို့ ပြောင်းပေးနိုင်အောင်(induction) ပြုလုပ်ထားခြင်းဖြစ်သည်။ အချို့သော အင်တင်နာကိရိယာများ (parabolic antenna, Horn Antenna) သည် အခြားအင်တင်နာအမျိုးအစားများမှ လေဟာနယ်(free space) ကိုသာ ဖမ်းယူပေးသည်။

သောမတ် အက်ဒီဆင်သည် အင်တင်နာများကို ၁၈၈၅ ခုနှစ်မှ စတင်အသုံးပြုခဲ့ပြီး အမေရိကန်နိုင်ငံတွင် မူပိုင်ခွင့်အမှတ် ၄၆၅၉၇၁ ဖြင့်မှတ်ပုံတင်ခဲ့သည်။ ဟိန်းဒရစ် ဟတ်ဒ်စ် ( Heinrich Hertz) (၁၈၅၇-၁၈၉၄) ကလည်း အင်တင်နာကိုအသုံးပြု၍ ဂျိမ်းစ်ကလက်မက်စ်ဝဲလ် (James Clerk Maxwell) ခန့်မှန်းခဲ့သော လျှပ်စစ်သံလိုက်လှိုင်းများ တည်ရှိနေမှု ကို အတည်ပြုခဲ့သည်။

Source; Wikipedia

(၁၁-၀၆-၂၀၂၀) ရက်နေ့အတွက် မိုးလေဝသ ကြိုတင်ခန့်မှန်းချက်များ

(၁၁-၀၆-၂၀၂၀) ရက်နေ့အတွက် မိုးလေဝသ ကြိုတင်ခန့်မှန်းချက်များ
=====================================

အပူချိန်အခြေအနေခန့်မှန်းချက်
=================

အမြင့်ဆုံးအပူချိန် = 33C

အနိမ့်ဆုံးအပူချိန် = 25C



နာရီအလိုက်အပူချိန်အခြေအနေခန့်မှန်းချက်
========================

နံနက် ၀၅း၀၀ နာရီ = 25C

နံနက် ၀၇း၀၀ နာရီ = 26C

နံနက် ၁၀း၀၀ နာရီ = 29C

မွန်းတည့် ၁၂း၀၀ နာရီ = 32C

မွန်းလွဲ ၁၃း၀၀ နာရီ = 33C

မွန်းလွဲ ၁၅း၀၀ နာရီ = 32C

ညေန ၁၇း၀၀ နာရီ = 30C

ည ၂၀း၀၀ နာရီ = 27C

ည ၂၃း၀၀ နာရီ = 26C



မိုးအခြေအနေခန့်မှန်းချက်
==============

          နံနက်ပိုင်းတွင် တိမ်အသင့်အတင့်မှ တိမ်ထူထပ်နိုင်ပါသည်။ နေ့လယ်ပိုင်းတွင် သာယာ၍ ညနေပိုင်းတွင် တိမ်ထူထပ်ခါ နေရာကွက်ကျား မိုးထစ်ချုန်း ရွာနိုင်ဖွယ်ရာရှိပါသည်။ ညပိုင်းတွင် တိမ်အသင့်အတင့်မှ တိမ်ထူထပ်ပါမည်။


လေအခြေအနေ

လေတိုက်အရပ် = အရှေ့တောင်၊ အနောက်တောင်။

လေတိုက်နှုန်း = 20 km/h (အရှေ့တောင်)။

                 = 15 km/h (အနောက်တောင်)။

လေထုဖိအား = 1005 hPa



မိုးလေဝသ - အောင်လံ (NGO)

လျှပ်စစ်အန ္တ္တ္တ္တ္တ္တရာယ် အစဉ်သတိပြုဖွယ်

စာတည်းရှုထောင့်

 

ဓာတ်လိုက်မှုအန္တရာယ်ရှိနိုင်သဖြင့် နေအိမ်၊ ဝင်းခြံစည်းရိုး၊ သံပန်း၊ သံတံခါး၊ သံဆန်ခါများတွင် မီးကြိုးများသွယ်တန်း ချည်နှောင်ခြင်းမပြုရ။

 

ဓာတ်အားလိုင်းကြိုးများ၊ အိမ်သုံးဆားဗစ်ဝါယာကြိုးများ ပြတ်ကျမှုများ တွေ့ရှိပါက ကိုင်တွယ်မှုလုံးဝ(လုံးဝ) မပြုလုပ်ရပါ။ အခြားသူများ မကိုင်မိအောင်လည်း စောင့်ကြည့်တားဆီးထားပါ။ လျှပ်စစ်လုပ်ငန်းကျွမ်းကျင်သူ လျှပ်စစ်ရုံးသို့ အမြန်ဆုံးအကြောင်းကြားပါ။

 

ဓာတ်အားလိုင်းကြိုးများ နိမ့်ကျနေခြင်း၊ ဓာတ်အားလိုင်းကြိုးများပေါ်တွင် မီးပွားများဖြစ်ပေါ်နေခြင်းများ တွေ့ရှိပါက လျှပ်စစ်ရုံးသို့ အမြန်အကြောင်းကြားပါ။

 

TV  အင်တာနာတိုင် တပ်ဆင်ရာတွင် လျှပ်စစ်အန္တရာယ်ကင်းရှင်းရန်အတွက် ဓာတ်အားလိုင်းကြိုးအနီးနှင့် ဓာတ်အားလိုင်းကြိုးများအောက်တွင် စိုက်ထူခြင်းမပြုလုပ်ရန် အထူးသတိပြုပါ။

 

လျှပ်စစ်စွမ်းအားဝန်ကြီးဌာနမှ သတင်းစာမှတစ်ဆင့် ပြည်သူများသို့ အသိ၊ သတိပေးထားချက်များ ဖြစ်ပါသည်။ ထို့နည်းတူ မြို့နယ်မှ တာဝန်ရှိသူများကလည်း လျှပ်စစ်အန္တရာယ်ကင်းဝေးရေး ပညာပေးဟောပြောပွဲများကို မြို့နယ်တိုင်းမှာ ကျင်းပအသိပေးလျက်ရှိနေသည်ကို တွေ့ရသည်။ ထိုသို့ သတိပေးထားသော်လည်း အသိအမြင်ဗဟုသုတ နည်းပါးခြင်း၊ သတိမမူမိခြင်းတို့ကြောင့် အသက်အန္တရာယ်ကြုံတွေ့ရမှုများ ရှိနေသည်။

 

ပြည်သူများသို့ လျှပ်စစ်အန္တရာယ်ကို ကြိုတင်အသိပေးသလို အခြားတစ်ဖက်တွင်လည်း တာဝန်ရှိသူများကိုယ်တိုင် မိမိတာဝန်ယူထားရာမြို့နယ်အတွင်း ကွင်းဆင်းစစ်ဆေးမှုများ မကြာခဏပြုလုပ်နေသင့်ပါသည်။ မြို့ပြလျှပ်စစ် မီးတိုင်များဆိုလျှင် မနိုင်ဝန်ကို ထမ်းနေရသည်။ လျှပ်စစ်ကြိုးများ ပင့်ကူအိမ်သဖွယ် ရှုပ်ယှက်ခတ်လျက်ရှိနေသည်။ လိုင်းပူး၊ လိုင်းခွာအန္တရာယ်များ အချိန်မရွေးရှိနိုင်ပါသည်။ ကျွမ်းကျင်ရာလိမ္မာ ပညာရှင်များသာ အန္တရာယ်ရှိ၊ မရှိကို ကြိုတင်သိနိုင်၍ ကြိုတင်ကာကွယ်မှုပြုလုပ်ပေးကြရမည်ဖြစ်သည်။

 

အချို့ဓာတ်ကြိုးလိုင်းများမှာ နှစ်ပရိစ္ဆေဒကြာလှပြီ။ အိုမင်းဟောင်းနွမ်း နေပြီး ဓာတ်ကြိုးများကြံ့ခိုင်ရေးအတွက် အချိန်မီလဲလှယ်ပြုပြင်သင့်သည့် အချက်များဖြစ်ပါသည်။

 

ရန်ကုန်တိုင်းဒေသကြီး လွှတ်တော်အစည်းအဝေးတွင် ဤလျှပ်စစ်ကြိုးများ အသစ်လဲလှယ်တပ်ဆင်ရေး အဆိုတင်သွင်းခဲ့သည်။ ဝိုင်းဝန်းထောက်ခံဆွေးနွေးကြသည်။ အထူးသဖြင့် အသစ်လဲလှယ်ပါက မြေအောက်ဓာတ်ကြိုးလိုင်းများ ဖြစ်သင့်ကြောင်း အထောက်အထားများနှင့်အကြံပြုကြသည်။ ရန်ကုန်မြို့ပြ၏ အချိန်မီလုပ်ဆောင်သင့်သည့်အချက်တစ်ရပ်ဖြစ်ပါသည်။ ထိုသို့ အသစ်လဲလှယ် ရန်အတွက် ငွေကြေးမြောက်မြားစွာ ကုန်ကျမည်ဖြစ်ကြောင်း သိရသည်။  တစ်ပြိုင်တည်းမှာ အားလုံးကိုမဆောင်ရွက်နိုင်၊ ကဏ္ဍလိုက်၊ အပိုင်းလိုက်ကို စနစ်တကျနှင့် အသစ်တပ်ဆင်ခြင်း၊ အဟောင်းများကို အန္တရာယ်ကင်းအောင် ယာယီပြုပြင်ပေးခြင်းများကို ဘဏ္ဍာရေးနှစ်အလိုက် ရေရှည်ဆောင်ရွက် ကြရမည်ဖြစ်ပါသည်။

 

ဤသို့ လုပ်ဆောင်သွားလျှင် မကြာမီ အားလုံးဆောင်ရွက်သွားနိုင်မည်ဖြစ်ပြီး လျှပ်စစ်အန္တရာယ်ကင်းရှင်းသွားနိုင်ပါသည်။ မြို့ပြနေ ပြည်သူများသာ အန္တရာယ်ကင်းဝေးမည်သာမကဘဲ မြို့ပြအကျိုးဆောင်၊ မြို့ပြအလှ လမ်းဘေးသစ်ပင်ကြီးငယ်များသည်လည်း လျှပ်စစ်ကြိုးနှင့် မလွတ်၍ မကြာမကြာ ခုတ်ထစ်၊ ကိုင်းဖြတ်၊ ခုတ်လှဲခံနေရမှုများမှ လွတ်ကင်းသွားမည် ဖြစ်ပါသည်။ အကြောင်းမူ မြို့ပြ၏ လျှပ်စစ်ကြိုးများအားလုံး မြေအောက်ရောက်သွားမည်ဖြစ်ပါသည်။  ဤသို့ဖြင့် ရန်ကုန်မြို့ကြီးသည် လျှပ်စစ်အန္တရာယ်ကင်းရှင်းလျက် သစ်ပင်၊ သစ်တောများဖြင့်ဖွံ့ဖြိုးရှင်သန်မည့် ပန်းမန်ဥယျာဉ်မြို့တော်တစ်ခုဖြစ်လာပါလိမ့်မည်။

 

လျှပ်စစ်နှင့် ပတ်သက်၍ မိမိတို့နိုင်ငံတွင် လူဦးရေ၏ ၃ဝ ရာခိုင်နှုန်းကျော်သာ သုံးစွဲနိုင်ကြသေးသည်။ ယေဘုယျအားဖြင့် မြို့ပြတွင်ဦးစားပေး လျှပ်စစ်သုံးစွဲနိုင်သည်။ မိမိတို့နိုင်ငံတွင် ကျေးလက်နေပြည်သူ ၇ဝ ရာခိုင်နှုန်း ရှိရာ ၂ဝ၁၆ ခုနှစ်တွင် နိုင်ငံ့လူဦးရေ၏ ၆ဝ ရာခိုင်နှုန်းထိ လျှပ်စစ်မီးရရှိရန် ရေတိုရေရှည်စီမံချက်များ ချမှတ်ဆောင်ရွက်လျက်ရှိနေကြောင်း သိရသည်။

 

လျှပ်စစ်သုံးစွဲမှုများလာသည်နှင့်အမျှ အခြားတစ်ဖက်မှာ လျှပ်စစ်အန္တရာယ်ကလည်း လိုက်ပါလာနိုင်သည်။ သို့သော် အားသာချက်တစ်ရပ်မှာ အချိန်မီလဲလှယ်သုံးစွဲလာမည့် လျှပ်စစ်ကြိုးများ အသစ်ဖြစ်၍ ကြံ့ခိုင်မှုရှိနေမည် ဖြစ်ပါသည်။

 

မည်သည့်အရာမဆို လူကိုအကျိုးပြုသည်မှန်သော်လည်း မသုံးစွဲတတ်လျှင် အန္တရာယ်ရှိနိုင်သည်ကို သတိမူရမည်ဖြစ်ပါသည်။

Ref; Myanmar News Agency